المحتوى الرئيسى

وائل عباس يروي تفاصيل محاولة اختراق حساباته على فيسبوك وياهو وجيميل وهوتميل من جهات حكومية وأمنية

وائل عباس يروي تفاصيل محاولة اختراق حساباته على فيسبوك وياهو وجيميل وهوتميل من جهات حكومية وأمنية 03/27 10:56

وائل : جائتني رسائل تؤكد ان من قام بالاختراق جهات حكومية وأمنية .. وفودافون سمحت لجهة ما بانها ترى رسائلي

روى الناشط والمدون وائل عباس تفاصيل واقعة اختراق حساباته على فيسبوك وياهو وجيميل وهوتميل ونجاح المخترق في تغيير الباسورد الخاص به مشيرا إلى انه نجح في استعادة ثلاثة من حساباته وباقي حساب ياهو .. واكد وائل عباس إنه يضع مستوى عال من الخصوصية ملمحا إلى تورط شركة فودافون في تسريب رسائله النصية .. وكشف عباس عن ان جهات حكومية وامنية كانت وراء الاختراق طبقا للرسائل الواردة له. والتي نشر صورا منها في بوستات سابقة

وإلى نص رواية وائل عباس:  

امبارح كنت في السينما باتفرج على فيلم نوارة وما كملتهوش للآخر

في نص الفيلم في الاستراحة لقيت رسالة على موبايلي : ده كود تغيير الباسوورد بتاعك لفيس بوك

طنشت لان ده بيحصل كتير ناس كتير تحاول اختراق الحساب بس ها يعرفوا ازاي والكود بييجي للموبايل

المهم ان المرة دي جاتلي رسالة تم تغيير الباسوورد بنجاح ! يعني حد نجح يخترق فيسبوكي فعلا المرة دي وعن طريق كود الدخول اللي اتبعت لي على تليفوني اللي مفروض مافيش حد بيطلع عليه غيري انا وشركة فودافون !

المفروض ان ده مستوى عالي من الحماية والخصوصية انا عامله مخصوص ضد الاختراق

الرسالة الأولى :«تحذير من جوجل ان جهة حكومية تحاول اختراق حسابي»

ده ما بيخليش اي مجال للشك ان فودافون سمحت لجهة ما بانها تشوف رسائلي النصية وتاخد الكود وتخش بيه

اتكرر ده مع ايميلي على ياهو وعلى جيميل وعلى هوتميل كمان

خرجت من السينما جري روحت عند واحد صاحبي اشوف ايه اللي بيحصل

قعدت عنده لحد الساعة 9 بالليل ونجحت ارجع الفيس بوك والجيميل والهوتميل

لسه باتواصل مع اعلى مستوى في خدمة عملاء ياهو لان الاكاونت لسه فيه مشاكل

خدمة عملاء فودافون اتصلوا بيا مرتين علشان يبرروا موقفهم وينفوا تورطهم

اديتلهم رقم التليفون اللي عمل الاختراق وهو بالمناسبة رقم فودافون قالولي ما نقدرش نطلعك على اي معلومات وما استفدتش منهم باي حاجة طبعا

انا معايا رقمين تليفون لمن حاولوا الاختراق ورقم اي بي وايميل ولوكيشان وبيانات اخرى

وتاكيدات من جوجل ان محاولة الاختراق من جانب الحكومة المصرية

الرسالة الثانية «رسالة من جوجل ان حسابي يتم اختراقه من قبل الدولة»

طبعا فيه ناس كتير زياطة وتقولك اشمعنى انت وهم ها يعملوا فيك كده ليه

ودول نحطهم جنب اخواتهم السفلة اللي بيقولولي اشمعنى انت ما اتقبضش عليك وسايبينك

مصدر الخبر : البداية

اخبار متعلقة

اضف تعليق