شوقي لطلاب الثانويه: الامتحانات التجريبيه غير اللي اخدتوه في السناتر
قال الدكتور طارق شوقي، وزير التربية والتعليم، والتعليم الفني، إن الوزارة تبذل جهودًا كثيفة لإنجاح منظومة التعليم، والاستعداد بشكل جيد لامتحانات الثانوية العامة، «مش بنام بقالنا شهور، إحنا وأجهزة كتير وناس كتير متعرفوش شخصيتها بنشتغل ليل ونهار يمكن هما بيتهالكوا قدام عيني، بس كل ده عشان نقدم حاجة كويسة»، موضحًا أن الوزارة تتواصل مع أولياء الأمور عبر أكثر من منصة، «بدل ما نجيب 100 شخص في أوضة ونقول عليه حوار مجتمعي».
وأضاف «شوقي»، خلال مداخلة هاتفية في برنامج «حضرة المواطن»، الذي يُعرض على شاشة «الحدث اليوم»، مع الإعلامي سيد علي، أن الوزارة منفتحة على المواطنين بشكل كبير، سواء على الواتس أو فيس بوك أو الإنستجرام، «متواصلين معاهم ليل ونهار، والشكاوى اللي بتروح للرئيس بتجيلنا ونتعامل معاها، فيه أحيانا نقد، ده أمر صحي، مش هقول هجوم، بس كنت أتمنى ميبقاش موجود عشان فيه جهد آلاف من البشر صادقين فيما يسيرون عليه».
وأوضح وزير التربية والتعليم، والتعليم الفني، أن طلاب الشهادة الثانوية العامة رأوا بأنفسهم بأن الامتحانات التجريبية لم تأتِ مباشرة مثل ما كان يأخذوه في السناتر التعليمية أو الكتب الخارجية، «لقوا الامتحان مكتوب بشكل مختلف، الهدف مش إن الامتحان يبقى إلكتروني ولا ورقي، الهدف إن إحنا من هنا ورايح مش لازم نشغل نفسنا بحاجة غير فهم هدف كل درس في كل مادة، ونواتج التعلم، وممكن الطالب يعمل ده وهو في البيت بدون ما يخرج من بيته».
وتابع: «سواء عبر المنصات أو التليفزيون أو الكتاب المدرسي أو بنك المعرفة أو مصر الرقمية، مش هتخليك تحتاج تنزل من بيتك أو تجيب أي كتاب».