الاخلاق والثقه بالنفس. سالنا البنات تشكرى بابا على ايه فى يوم الاب؟
تحتفل مصر اليوم 21 يونيو بيوم الأب وذلك تقديرا للآباء ولتكريمهم على دورهم في تربية أبنائهم، ومحاولة توفير حياة كريمة لأسرتهم، فهم سند وأساس أي أسرة ومصدر الحب والعطاء للأبناء.
ويمثل الأب للفتيات قيمة خاصة، فمنذ نعومة أظافرهن يلقين اهتمام خاص من الأب، حتى أن غالبية الفتيات يبحثن في كبرهن عن شخص يشبه والدهن للارتباط به، وفى يوم الأب سألنا البنات عن أكثر القيم التي تعلمنها من والدهن، وحرصت الكثيرات على توجيه الشكر لآبائهن على كل ما فعلوه من أجلهن لتنشئتهن على القيم والأخلاق:
عيد الاب 2012 .. علمنى أثق في نفسي
قالت إنجى عن والدها :"أحب أشكر بابا على كل حاجة عملهالى، طول عمره حنين، وعمره ما أعترض على قرار أنا عاوزاه، بسافر وبشتغل، ودايما واثق فيا، علمنى اثق في نفسى، وامشى أمور حياتى بنفسى ودايما واثق في قراراتي واختياراتي، ولو في حاجة حاسس أنها غلط كان دايما يجى ويتكلم معايا بكل هدوء".
يوم الأب
عيد الأب 2012 .. خلى عيني مليانة
وقالت فيبى :"الحمد لله بابا طلعنى عندى أخلاق، ودايما عينى مليانة، وعلمنى أنى مبصش لحاجة غيرى وأقتنع باللى معايا دايما، و اني اعيش علي قدي و أني أكون أمينه و أحترم بيوت الناس و متدخلش في اللي مليش فيه".
عيد الاب 2012 .. علمنى الاحترام
وعن والدها قالت شيماء :"أحب اشكر والدى على كل حاجة عملها معايا، وأهم حاجة أنه علمنى الاحترام، علمنى إزاى أحترم نفسى والآخرين، واحترم المواعيد والواجبات اللى عليا".
عيد الأب 2012 .. عرفنى يعني إيه مسؤولية
وفى يوم الأب قالت هايدى:"بابا الحمد لله ربانى أحسن تربية، وأهم حاجة أحب أشكره عليها هي تربيته الدينية ليا، وأدانى ثقة في نفسى، وعرفنى يعنى إيه مسؤولية، ودى أهم حاجة خصوصا في الوقت ده".
الاحتفال بيوم الأب