امين صندوق الزمالك عن ازمه ساسي: "متفاوضش معانا. ومش هنسيب حقنا"
قال أمين صندوق نادي الزمالك، طارق جبريل، إن 99% من الأخبار المنتشرة عن النادي عبر الميديا لا صحة له، موضحًا: «مفيش مشاكل مع كارتيرون، وكل واحد من اللي بينشر الأخبار دي عنده غرض معين هو حر فيه، وإحنا في طريقنا».
وحول العلاقة التي تربط النادي بحسن شحاتة لاعب ومدرب الفريق الأسبق، والمدير الفني للمنتخب الوطني، الحائز معه على 3 بطولات كأس أمم إفريقيا أوضح جبريل، خلال حواره مع الإعلامية الدكتورة ياسمين سعيد مقدمة برنامج «الجمعة في مصر» الذي يعرض عبر شاشة «mbc مصر»: «كابتن حسن من رموز النادي وعلى راسنا كلنا، لكن مفيش حاجة خالص معاه».
كما تطرق جبريل، إلى علاقة النادي بلاعبه التونسي فرجاني ساسي، موضحًا: «لحد ساعات كنا فاتحين الباب معاه وكنا مستنيينه لما يرجعه، وفي الأول خالص كابتن حسين لبيب كلمه من حوالي 40 يوم، ورد وقال إنه مسافر عشان المنتخب ولما يرجع مصر هيتكلم معانا».
وسألته مقدمة البرنامج، عما إذا كانت اللجنة المكلفة بإدارة شؤون النادي تنوي اتخاذ قرارات ضد اللاعب، بعدما وصفه «جبريل»، بأنه منقطع عن التدريب، ورد قائلا: «المفروض يكمل لحد لنهاية الموسم، وهو يقول براحته، وبعد انتهاء الموسم كل واحد هياخد حقه ومش هنيب حق الزمالك».
وأضاف أمين صندوق نادي الزمالك: «فرجاني مهذب ولعب للنادي 3 أعوام بشكل جيد للغاية، لكن كان يجب عليه القدوم إلى النادي ويقول اللي هو عاوزه إن شاء الله يطلب 300 مليون جنيه، هو حر .. لكن إحنا متفاوضناش عشان يبقى في اختلاف».
